1. Sila nakadawat sa pulong. Ang pulong nga giwali ni Pedro sa gahum sa Ispiritu Santo mituhop sa ilang mga Kasingkasing ug natawo sila pag-usab.
2. Human sila gibautismohan pinaagi sa pag-unlod-malapawan sa tubig, sama sa kasulatan Buhat 8:36-38; Roma 6:3-4, dinhi claro kaayo nga wala hisgote ang pagpisikpisik ug tubig sa ulo, bisan ang pagbautismo sa mga gagmay ng bata.
3. Human sa bautismo sila gidugang sa hut-ong sa mga katawhan nga nagakatigum sa Jerusalem, Buhat 1:15. Sa ilang pagkahidugang nahimo silang bahin o miembro sa Iglesia sa Dios sa Jerusalem. Dili lang kay sila nagatambong sa panimbahon, kon dili lakip sila sa kinatibok-an nga miembro sa Iglesia ug nagapadayon.
4. Ang pagtulon-an sa mga apostoles, ang pagpanudlo sa mga apostoles giisip ug gisagop nga kapariho sa authoridad ug gahom sa mga pulong sa atong Ginoong Jesucristo. Sa Mateo 10:40 nagpakita nga kini sumala ug
ayon sa pulong ni Ginoong Hesus.
5. Ang pag-ambitay, kini gihisgutan sa 1 Corinto 1:9, ingon nga pakig-ambitay sa iyang Anak si Hesukristo nga atong Ginoo. Nga niining pag-inambatay sa mga balaan sa Iglesia sa Dios sa Corinto, sila gitawag nga matinud-anon sa Dios.
6. Ang pagpikas-pikas sa tinapay. Mao kini matag semana nga paghandum sa Ginoong Jesucristo agi ug pagsugot sa iyang pulong, sumala sa Lukas 22:19.
7. Ang Pag-ampo-nagahisgot kini sa mga pag-ampo sa Iglesia ang panig-ingnan na-a gihatag sa Buhat 12:5, hugot nga pag-ampo gihimo sa simbahan ngadto kaniya (kay Pedro) nga nabilanggo.
Tanan nga nagkalainlain nga mga Iglesia sa Dios panahon sa bag-ong Tugon paripareho ra ug mga pagtulon-an ug mga tulomanon sama sa Iglesia sa Dios sa Jerusalem.
