NGANONG NAGASIMBA AKO SA IGLESIA SA DIOS?

A. Ang Pulong sa Dios

Hinigugma kung Kristohanon, usa ko mopadayon tugoti ako sa pag-ingon, ako nagatoo sa Biblia nga maoy pulong sa Dios, ug ang kan-uman ug unom ka libro nga naglangkob niini maoy pagpadayag sa tawo diha sa Balaanong Hunahuna.

Maoy akong tinuod nga konbiksion nga ang tibuok kasulatan gituga sa Dios, ug walay mga bahin niini nga isalikway, o isipon nga minos ug bili:

'tamang kasulatan gibugna sa Dios' (2 Timoteo 3:16)

'walay panagna nga miabot pinaagi sa kabubut-on sa tawo, apan ang tawo nagasulti gikan sa Dios ingon nga gidasig sa Dios Espirito Santo' (2 Pedro 1:21).

Usa ka rason alang sa akong pagtuo, ako kamong dad-on sa mga

panagna sa Daang Tugon nga may kalabotan ug mahitungod sa Ginoong Hesukristo, ingon nga umalabot nga Misyas (Genesis 3:15) ug natuman kini sa diha nga mianhi siya dinhi sa kalibutan-nag alagad ug namatay sa krus. Sa walay pagduha-duha nagpamatuod kini nga ang mga kasulatan gituga (giginhawaan) sa Dios nga nag-ingon

"Ako ang dios, ug wala nay lain, ako ang Ginoo ug walay kapariho Kanako" (Isayas 46:9-10).

Ang atong Ginoong Jesucristo mismo mituo sa Daang Kasulatan, tungod kay sa daghang higayon mikutlo siya sa daang kasulatan,

"O buang nga mga tawo ug luya ang mga kasingkasing sa pagtuo sa tanang pagpanagna sa mga propeta (manalagna)” (Lukas 24:25).

Aron ang usa ka tinun-an sa Ginoong Jesucristo mamahimong epektibo, kinahanglan motuo siya sa tibuok kasulatan nga kini gituga sa Dios, ug ang tanan nga gisulat sa mga pahina niini makadasig sa tanan nga nakaambit sa mao nga konbiksion.

NEXT