Ang balay sa Dios karon hinimo ug 'buhing mga bato'. Mao kadtong midawat sa kinabuhing dayon diha kang Kristo, nga miduol kaniya uban sa mga magtutoo sa pagsugot sa iyang pulong nga gitukod ug naforma nga Ispirituhanong puloyanan sa Dios" (1 Pedro 2:3-5).

Nga kaniya ang tagsatagsa nga tinukod, gipahaum aron mabalay nga magatubo sa pagkausa ka templo nga balaan diha sa Ginoo (Epeso 2:21).

Kon isipon kining duha ka bersikulo, atong makita nga ang balay sa Dios naglangkob sa mga magtutoo nga gipakasama sa 'mga batong-buhi' nga sa tingob gigambalay ug gipahaum ang usag-usa hangtud nga maporma nga 'balay' ug iyang puloy-anan.

(c) Mga simbahan sa Dios diin gibutang ang iyang Ngalan.

Kining mga balay nga gihimo sa 'buhing mga batu' mao ang mga local nga kasimbahanan sa Dios, sumala sa giingon ni Pablo kanato. Sa iyang pagsulat sa 'mga Iglesia sa Dios nga na-a sa Corinto' (1 Corinto 1:2.), siya miingon:

'Kamo ang balay sa Dios' (1 Corinto 3:9).

Ang mga balaan nga nagtigum diha sa Iglesia sa Dios nga na-a sa Corinto, nagforma sa usa sa mga balay ug nahimong balay sa Dios-iyang puloy-anan sa iyang Ngalan sa panahon sa Bag-ong Tugon.

Mao kadtong mga simbahan sa Dios diin nagatigum ang nahaunang mga tinun-an; ang polong sa Dios wala gayod mausab sukad niadto hangtud karong adlawa.

Dili ba maayo nga ang iyang mga anak magtigum sa mga kasimbahanan sa Dios karong adlawa? Ako nagtuo nga angay gayod, kay walay atong mabasa nga laing simbahan sa Bag-ong Tugon naghimo niini subay sa sundanan.

Ang mga magtutoo usab nagatigum sa Iglesia sa Dios sa ilang nagkadaiyang dapit ug naga simba sa Dios.

Ang Iglesia sa Dios maoy lugar nga diin gibutang ang iyang Ngalan. Kini iya sa Dios. Nagapakita kini sa balaanong gigikanan, pagpanag-iya ug kinaiyahan.

Ang mga pulong nga 'Ang Iglesia sa Dios' nahisulat walo ka beses sa Bag-ong Tugon (Buhat 20:28; 1 Corinto 1:2; 10:52; 11:22; 15:9; 2 Corinto 1:1; Gal.1:13; 1 Tim.5:5).

NEXT