Ug sa Iglesia (Mateo 16:18) nga mao ang lawas niya (ni Kristo) (1 Corinto 12:12,13; Epeso 1:23; 4:4) kita ang isigka magtutuo ug mga miembro ug nadistino aron makaambit sa langitnong puloy-anan hangtud sa walay katapusan. Unsa pa may laing butang nga atong hoptan gawas sa pagbate sa gugma ngadto kanila!

Dili kaayo bug-at ang akong pagkahimulag gikan kanila, kun itandi sa doctrina nga ilang gihoptan ug gituohan, ug kini nga lakang nga akong gibuhat nahitabo tungod kay una sa tanan, ang akong pagsugut gipahinungod nako sa namatay ug nabanhaw sa pagluwas kanako ni Jesucristo.

Kung tinuod nga ako nagtuo nga siya namatay alang kanako, nan ang akong balos mao ang pagpangita sa iyang pulong sa makugihong paagi ug pagsugot sa ipabuhat niini. Sa tabang sa Dios, mao kini ang akong buhaton, ug kung naay mga higalang Kristohanon nga nagbaton ug samang kasinatian, nan ako mag-ampo nga nasinati usab nila ang sama ni Salmistang miingon;

Gipalandong ko ang akong mga dalan,

ug gibalik ko ang akong mga tiil ngadto sa imong mga pagmatuod.

Midali ako, ug wala magdugay,

sa pagtuman sa imong mga sugo (Salmo 119:59-60).