Mao nga dayag nga na-ay sundanan niini, ug lain pang mga referencia sama sa 1 Thesolonica 2:14; Buhat 16:4-5 ug 1 Korinto 11:2 nag padayag nga ang tamang nagkalain-lain simbahan sa Dios panahon sa Bagong Tugon, nagasunod sa sundanan sa Iglesia sa Jeruselem.

Tungod niini sila naghiusa sa doctrina ug mga bulohaton sulod sa Iglesia. Sa tingob nahimo sila nga usa ka forma o matang alang sa Dios diin ikapadayag ang tinguha sa atong Ginoong Jesus,

"aron silang tanan mahimong usa-o nagkahiusa" (Juan 17:21).

(2) Ang Paagi Nga Gusto Sa Dios Nga Siya Simbahon Sa Katawhan

Atong susihon ang gusto sa Dios nga siya simbahon.

(a) Sa Espirito ug kamatuoran

Ang Ginoong Jesucristo miingon, "apan moabot ... Nga ang mga matuod nga magsisimba sa Amahan pinaagi sa espiritu ug sa kamatuoran … Ang Dios espiritu ug kinahanglan nga ang mga magsisimba kaniya, managsimba. Kaniya sa Espiritu ug sa kamatuoran" (Juan 4:23-24).

Adunay pangutana, unsay ipasabot sa mga pulong 'magasimba sa Espiritu ug sa Kamatuoran?'

Panahon sa Daang Tugon, ang pagsimba sa Dios na sentro sa material nga altar, diha sa balay nga hinimo ug kahoy, bato, bulawan ug pilak nga materiales. Kalian-lain nga mga mananap ginahalad ibabaw sa altar sa Israel - pagtuman sa pulong sa Dios.

Karon kita 'nagasimba pinaagi sa Espiritu sa Dios' (Pilipos 3:3) ingon nga buhi nga bato, kita

'karong gihimo nga balay sa Dios diin himoon ang paghalad ug espirituhanong mga sacrifisyo' (1 Pedro 2:5).

Kita maoy espirituhanong katawhan nga gipoy-an sa Espiritu sa Dios (1 Corinto 6:19; Roma 8:9-15; 1 Juan 2:27; Gal. 4:6) ug tungod niini ang atong pagsimba maoy Espirituhanong panimbahon sa Espiritu ug sa kamatuoran. Unsay buot ipasabot sa kamatuoran?

"Ang imong pulong kamatuoran" (Juan 17:17).

'Tanan nimong mga sugo kamatuoran' (Salmo 119:151).

NEXT