Si apostol Pablo didto sa Troas sulod sa pito ka adlaw, dayag sa mabasa sa kasulatan nga nabatasan o naandan sa mga tinun-an ang pagpikas-pikas sa tinapay sa unang adlaw sa semana.

Mao kini ang adlaw sa pagkabanhaw sa Ginoo, adlaw nga diin naa kitay prebelijio sa pagtigum sa pagpikaspikas sa tinapay agig paghandom sa atong Ginoong Jesus.

Asa ang Biblicanhong autoridad nga basehanan sa mga nagsaulog sa panihapon sa Ginoo kausa sa usa ka bulan? O kausa sa usa ka tuig? O sa usa ka adlaw, gawas lamang sa unang adlaw sa semana, o sa lugar-dapit gawas sa lugar nga diin nagatigum ang Iglesia.

Dayag sa kasulatan sa Buhat 2:42, 20:6,7; 1 Corinto 11:22 nga ang pagpikaspikas sa tinapay gihimo diha lamang sa mga Iglesia sa Dios ug wala nay lain nga dapit.

(h) Ang pagtuo nga ang pagsaulog sa Balaan Panihapon sa paghandom sa Ginoo, kinahanglan ang ordinadong Pastor maoy magahimo niini, kining pagtuoha dili subay sa kasulatan. Ang sugo sa paghandom sa Ginoong Jesucristo sa pagpikaspikas sa tinapay gikahatag ngadto sa mga tinun-an.

"Kini himo-on sa paghandom kanako" (Lukas 22:19), maoy pipila sa iyang mga pulong sa wala pa siya namatay, ug ang pagtuman nila maoy bililhong butang sa tanan nga nahigugma kaniya.

Kini maoy usa sa mga butang nga diin ang unang Iglesia sa Dios sa Jerusalem nagpadayon sa pagkupot niini,

'ug sila nanagpadayon gihapon sa mga pagtulon-an sa mga apostoles ug sa pakig-ambitay, ug sa pagbahinbahin sa tinapay, ug sa mga pag-ampo.' (Mga Buhat 2:42).

NEXT