B. Ang Bala-anong sundanan sa Pagsimba

Sa dihang gitun-an ko pagayo ang Biblia na dani ko pag-ayo nga ang Dios nagpahimutang na ug sundanan sa lugar o dapit ug paagi nga diin gusto niya nga simbahon.

Atong tun-an ang dapit una sa tanan.

(1) Ang dapit diin tinguha sa Dios nga simbahon siya sa mga katawhan.

(a) Panahon sa daang Tugon

Sa panahon sa daang Tugon iyang gisultihan ang mga tawo nga magtukod ug balay para kaniya aron iyang puy-an uban kanila

"pahimoa sila ug sanctuario aron ako makapoyo uban kanila" (Exo.25:8).

Dinhi sa mao nga tabernaculo magapuyo ang Dios uban sa katawhan sa tanang panahon samtang nagapanaw sila sa kamingawan.

"Magmatngon ka nga dili maghalad ug mga halad sinonog bisag asang

dapita, kon dili diha sa dapit o halaran nga gipili sa Ginoo..." (Deut.12:5,13,14).

Daklit nga pagtan-aw sa kapitulo 12 sa Deut, mosantop gayod sa kasingkasing ang bililhon niyang ngalan nga giugnay niini nga dapit, ug dinhi lamang niya dawaton ang pagsimba sa iyang katawhan.

(b) Panahon sa Bag-ong Tugon

Ani-ay mogula nga pangutana, kini ba nga dapit sa pagsimba may kalabutan, tungod kay ang tabernaculo sa daan nga tugon usa lamang ka "kopya ug landung sa mga butang nga langitnon" (Heb.8:5), "pinaagi sa labing daku ug labing hingpit nga tabernaculo" (Heb.9:11).

Panahon sa Bagong Tugon dunay balay ang Dios dinhi sa kalibutan, bisan tuod ug kini dili; hinimo ug mga butang nga material.

"Ang Dios sa langit ug yuta, wala magpuyo sa templo nga hinimo ug mga kamot." (Mga Buhat 17:24).

NEXT