Kini akong gihimo human sa daghang mga pag-ampo ug masusihong pagpalandong sa mao nga lakang, apan niadtong December 8, 1957 mitapo o miipon ako sa unang higayon sa tipik-tipik sa tinapay uban sa mga tinun-an sa Iglesia sa Dios, ug akong nasabtan nga ako makahimo na sa pagsimba sa paagi nga gipahimutang ug gitudlo sa kasulatan.

Aron mahimo nako ang kabubut-on sa Dios niining paagiha, gapasabot kini nga ako mobiya sa tanan nga mga pundok sa relegion o denominacion.

Akong nahinum duman nga si Solomon miingon, 'palita ang kamatuoran ug ayaw ibaligya' (Proverbio 25:23). Ug mao kini bili nga akong igabayad sa kamatuoran.

Bisan pa man, mao kini ang bili sa kamatuoran sa ginatus nga nanglabay nga katuigan. Kun na-ay nadiskubrehang lab-as nga kamatuoran, ang tawo mobayad niini pinaagi sa pagbiya sa tinuohan aron pagbuhat sa bag-ong kamatuoran matuman.

Kun akong hinumdoman si Doctor Adoniram Judson, nga maoy unang nagdala sa maayong balita sa Burma sa tuig 1813, mibiya sa iyang balay sa America ingon nga miembro sa congregationalista human nakaplagan ang kamatuoran sa bautismo nga immersion ug nahimo siyang nabautismohan nga ilubong sa tubig. Akong gibati nga daghan ang mga higalang Kristohanon nakasabot saakong gibuhat.

Gusto nako nga tin-awon nga ako nahigugma kanilang tanan. Sila ang

 mga igsoon kong lalaki ug mga babaye diha kang Kristo nga iyang gipakamatyan.

NEXT