Ang kasulatan wala magtudlo nga ang pagpadayon sa pagbuhat ning mao nga ordinansa naga dipindi sa usa ka ordinadong Pastor nga presinte nianang higayona.

Nagatuo kita nga bisan kinsa sa mga tinun-an nga minandoan sa Balaang Espiritu naa siya'y kagawasan sa pagtindog ug paghatag ug mga pasalamat para sa mga simbolo-tinapay ug duga sa ubas, ug ipangapod-apod sa tanan nagakatigom.

Dili ba ang musonod nga kasulatan nagapasabot man nga ang usa ka tawo nga nagabuhat niini nagrepresentar alang sa kawsa sa tanan?

'ang copa sa panalangin nga ginapanalangin nato, dili ba mao ang usa ka pakig-ambit sa dugo ni Cristo? Ang tinapay nga gitipiktipik nato, dili ba mao ang usa ka pakigambit sa lawas ni Cristo?' (1 Corinto 10:16).

D. Panapos nga mga Pulong

Kini mao lamay pipila ka pontos nga misantop sa akong hunahuna ug sayon masabtan ug sa pagsulat ko niini gusto kong masabtan ang kamatuoran nga wala nako ni himoa gikan sa dili maayong pagbati ngadto sa akong mga higalang Kristohanon. Sa laing bahin, gisulat ko kini uban sa tinguha nga makatabang sa ubang magtutuo sa pagsabot sa kabubot-on sa Ginoo.

Daghan nahibalo nga sa miaging mga katuigan nangita ko sa grupo sa mga Kristuhanon nga nanagtigum sumala sa sundanan nga akong nadiskobrehan sa balaang kasulatan; ug sa nakaplagan ko ang mao nga panagtigum sa Iglesia sa Dios sa Insein, wala na akoy pagduhaduha sa pagtawag sa Ginoo kanako uban sa akong asawa aron mogawas sa

daan tinuohan ug madugang sa lglesia sa Dios.

Ang Ginoo lamang ang makahimo sa pagdugang sa Iglesia sumala sa Mga Buhat 2:47.

NEXT